Брэсцкі гандбольны клуб імя Мяшкова возьме ўдзел у міжнародным турніры, які пройдзе 20-23-га жніўня ў польскім горадзе Дзержэнюве.

Усяго ўдзел у ім прымуць 12 каманд — з Польшчы, Украіны, Чэхіі і Германіі. Адзіным прадстаўніком ад Беларусі выступіць брэсцкі гандбольны клуб. А ўжо ў нядзелю, 16-га жніўня, брэсцкія гандбалісты пачнуць свой чарговы перадсезонны збор у Польшчы, які будзе доўжыцца да пачатку турніру. Першая гульня нашых гандбалістаў з украінскай камандай ZTR пройдзе 20-га жніўня.