Працягваецца візіт на Брэстчыну Камісіі Парламенцкага сходу саюза Беларусі і Расіі па пытаннях знешняй палітыкі.

Учора адбылося пасяджэнне, на якім абмеркавана развіцце як двухбаковых адносін паміж нашымі дзяржавамі, так і многабаковых, у прыватнасці агульныя погляды на сітуацыю ў іншых краінах СНД і наогул у свеце. Старшыня аблвыканкама Канстанцін Сумар пазнаеміў гасцей з эканамічным патэнцыялам Брэстчыны. Знешні гандлевы абарот вобласці за мінулы год склаў 2,3 мільярды долараў. Асноўная стаўка робіцца на развіцце стасункаў непасрэдна паміж рэгіенамі.
Адносіны паміж нашымі краінамі дынамічна развіваюцца. Нягледзячы на некаторыя супярэчнасці, заўседы ўдаецца знайсці кампраміснае рашэнне. Як зазначыла старшыня Камісіі парламенцкага сходу саюза Беларусі і Расіі па пытаннях знешняй палітыкі Ніна Мазай, нам неабходна бачыць адзін аднаго. А парламенцкія структуры ўносяць вялікі ўклад у вырашэнне спрэчных пытанняў.
Сярод асноўных задач парламентарыяў – паглядзець, як выкананне саюзных праграм рэальна адлюстроўваецца на простых людзях. У прыватнасці, у праграму ўвайшло наведванне пункта пропуску “Варшаўскі мост”, рэканструкцыя якога фінансавалася з бюджэту Саюзнай дзяржавы. Наогул, як зазначыў намеснік старшыні Камісіі, прадстаўнік расійскага боку, Іван Савідзі, у беларусаў нам есць чаму павучыцца, у тым ліку і ў эканамічных пытаннях. А Брэст можа паслужыць добрай пляцоўкай для большага збліжэння нашых народаў.
Дарэчы, Брэстчына заўседы паказвала добрыя вынікі па вырашэнні пытанняў інтэграцыі паміж нашымі і расійскімі рэгіенамі. Гэта не засталося без увагі парламентарыяў. Старшыня аблвыканкама Канстанцін Сумар узнагароджаны ганаровай граматай кіраўніцтва Парламенцкага сходу за развіцце ўсебаковага супрацоўніцтва рэгіенаў Рэспублікі Беларусь і Расійскай Федэрацыі.